O HIMNO GALEGO

Estos días en Coñecemento do Medio estamos a falar do territorio no que vivimos, de Galicia, as súas provincias, a bandeira... e do himno galego. Para que non teñades que dicir que non o coñecedes aquí o tedes-mirade máis abaixo-, en dúas versións.

O himno galego, coñecido como Os Pinos, é o himno de Galiza. Conxuga o poema de Eduardo Pondal cunha composición musical de Pascual Veiga. O nome de Galicia non figura no poema, sendo substituído por fogar de Breogán. Se premedes nos nomes dos seus autores podedes saber máis cousas. pero xa vos teño que dicir que Pascual Veiga naceu en...MONDOÑEDO.
     

E. PONDAL 

 

P. VEIGA 

 

OS PINOS

¿Qué din os rumorosos
na costa verdecente
ao raio transparente
do prácido luar?
¿Qué din as altas copas
de escuro arume arpado
co seu ben compasado
monótono fungar?
Do teu verdor cinguido
e de benignos astros
confín dos verdes castros
e valeroso chan,
non des a esquecemento
da inxuria o rudo encono;
desperta do teu sono
fogar de Breogán.
Os bos e xenerosos
a nosa voz entenden
e con arroubo atenden
o noso ronco son,
mais sóo os iñorantes
e féridos e duros,
imbéciles e escuros
non nos entenden, non.
Os tempos son chegados
dos bardos das edades
que as vosas vaguedades
cumprido fin terán;
pois, donde quer, xigante
a nosa voz pregoa
a redenzón da boa
nazón de Breogán